Plantun de Prouvènço

Pèr coumpara dos planto d'encò nostre

Euphorbia cyparissias & Erodium cicutarium subsp. cicutarium

Retoumbet

Euphorbia cyparissias

Euphorbiaceae

Autre noum : Éufòrbi.

Noms en français : Euphorbe petit-cyprès, Euphorbe faux cyprès.

Descripcioun :
Pichoto éufòrbi que fai souvènti-fes de mato. Se recounèis à si fueio estrecho estacado long de la cambo e à si glando banarudo. Un cop bèn flourido li tèsto retoumbon sus li coustat (retoumbet). Nouta que proun de ramo fan pas de flour.

Usanço :
Lou retoumbet es, emé la lachusclo, l'éufòrbi la mai couneigudo au nostre. Coume tóuti lis meno d'Euphorbia, es uno planto empouisounanto. Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Jauno
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 2600 m
Aparado : Noun

Liò : Roucaio
Estànci : Pancaro entresigna
Couroulougi : Pancaro entresigna
Ref. sc. : Euphorbia cyparissias L., 1753

Aguïeto

Erodium cicutarium subsp. cicutarium

Geraniaceae

Àutri noum : Aguïo, Aguïoun.

Noms en français : Erodium Bec-de-grue, Bec-de-grue à feuilles de ciguë.

Descripcioun :
Planto mai o mens grando segound li relarg ounte vèn. Se recounèis à si fueio proun divisado e subretout à si fru coume d'aguïo. Li flour soun roujo à blanco. L'aguïeto es uno planto coumuno di champ, camin, escoumbre... que flouris d'ouro à la fin de l'ivèr fin qu'au gros de l'estiéu. Coumpara emé l'aguïeto-sènso-cambo.

Usanço :
L'aguïeto èi manjadisso, soun goust ramento aquéu dóu juvert, un pau mai cousènt. Se dis qu'èi vertuouso contro li proublèmo de circulacioun dóu sang.

Port : Erbo
Taio : 3 à 80 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Erodium
Famiho : Geraniaceae

Ordre : Geraniales

Coulour de la flour : Vióuleto
Petalo : 5
Ø (o loungour) flour : 1 à 1,5 cm
Flourido : Printems - Estiéu - Autouno

Sòu : Si (Ca)
Autour basso e auto : 0 à 1200 m
Aparado : Noun
Mars à óutobre

Liò : Champ - Ermas
Estànci : Termoumediterran à Mountagnard
Couroulougi : Eurimediterrano
Ref. sc. : Erodium cicutarium subsp. cicutarium (L.) L'Hér., 1789

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Euphorbia cyparissias & Erodium cicutarium subsp. cicutarium

Coumpara Retoumbet emé uno autro planto

Coumpara Aguïeto emé uno autro planto